aaye haath uthaaye hum bhii
hum jinhe rasm-e-dua yaad nahin
hum jinhe soz-e-mohabbat ke siwaa
koii but, koii Khudaa yaad nahin
ay arz guzare ki nigaar-e-hastii
zahar-e-imaroz mein shiiriinii-e-fardaa bhar de
wo jinhen tabe giraan baarii-e-ayyaam nahin
unkii palakon pe shab-o-roz ko halkaa kar de
jinakii aankhon ko ruKh-e-subh kaa yaara bhi nahin
unki raaton mein koi shamaa munawar kar de
jinkay qadamon ko kisi rah kaa sahaaraa bhi nahin
unki nazron pe koii raah ujaagar kar de
jin kaa din pairavii-e-kazbo-riyaa hai unko
himmat-e-kufr mile, jurat-e-tahaqiiq mile
jin key sar muntazir-e-taigh-e-jafaa hain un ko
dast-e-qatil ko jhatak dene kii taufiiq mile
ishq kaa sarr-e-nihaan jaan-tapaan hai jis se
aaj iqaraar karein aur tapish mit jaaye
harf-e-haq dil mein Khataktaa hai jo kantey kii tarah
aaj izhaar karein or Khalish mit jaaye
……..
(faiz Ahmed Faiz)
3 comments
Comments feed for this article
October 23, 2007 at 3:07 pm
Why BB’s return is good for Pak–Krish On Politics
[…] aaye haath uthaaye hum bhiihum jinhe rasm-e-dua yaad nahin- Faiz Ahmed Faiz […]
October 23, 2007 at 3:28 pm
Why BB’s return is good for Pak « a reader’s words
[…] aaye haath uthaaye hum bhiihum jinhe rasm-e-dua yaad nahin- Faiz Ahmed Faiz […]
October 26, 2007 at 11:43 am
murtaza
I think what the cicumtances are forming in our country, and how the our attitudes as a nation are changing, how we are wishing that everything should mould according to our own desires, i dont know where are going. yahan dua ki nahin dawa ki zarrorat hai,