You are currently browsing the monthly archive for July 2006.

Na doston mein koi humara
Na khuwahishon ka koi kinara
Na mohabaton pey yaqeen tumhara

Tu
zindagi phir katey tu kesay???
Humara dil khush rahey tu kesay???
na kahin pey koi gullab hay
na hi neend hay na hi khuwab hay
jo nazar mein hay woh serab hay
….

koi kab talak chalta rahey??
sahey gham yunhi hansta rahey..

ye safar bhi hay kesa bey-nishan
na zameen hay apni na asman
yeh kisey khabar key owh hay kahan

kisey dein sada kisey pyar dein???
kisey apnay seenay ka raaz dein???

na hi phool hain na hi titliyan!
na hi rang hain na hi roshniyan..
na hawa mein pehlay si mastyan

Shabnam bhi kitni udas hay
bey-samar hay or bey-aas hay

ajab mosmon ki yeh chal hay
sabhi khuwahishon pey zawal hay!
bari bey-basi hay, bara malal hay

tu jo sun sakey tu mein yeh kahoon :
“han! ab ishq bhi tu muhal hay!”

Advertisements

Koi eik shaks tu yun milay key sakoon milay
koi eik lafz tu aisa ho key qarar ho
Kahin aisi rut bhi milay humain jo bahar ho
Kabhi aisa waqt bhi aye key humain pyar ho!

Koi eik shaks tu yun milay…
key chiragh-e-jan usey noor dey, usey taab dey, banay kehkashan.
koi gham ho jis ko qaba karein gham-e-jaweidan
koi yun qadam ko milaye key banay karwan

koi eik shaks tu yun milay…key qarar ho!
meri rah guzar-e-khyal mein koi phool ho
mein safar mein hoon meray paoon pay kabhi dhool ho
mujhey shoq hay mujh sey bhi koi bhool ho!!!!
gham-e-hijr ho, shab-e-naz ho, bara tooool ho..

koi eik shaks tu yun milay … key qarar ho!
key jo aks-e-zat ho, ho-ba-hoo, mera aina, meray roobaro
koi rabt key jis mein na mein, na tu
sar-e-khamshi koi guftugoo..

koi eik shaks tu yun milay key sakoon milay.