Udasiyon Ka Sabab Jo Likna,To Ye Bhi Likhna,

K Chand Taarey, Shahaab

 Ankhain Badal Gai Hain
Woh Zinda Lamhey,

Jo Teri Rahon Mein,

Terey Aanay K Muntazir They,

Wo Thak K Saayon Mein Dhal Gaay Hain,

Wo Teri Yaadein,
Khayal Terey,

Wo Ranj Terey,
Malaal Terey,

Wo Teri Aankhein,
Sawal Terey,

Wo Tum Se Merey Tamam Rishtey,

Bichar Gaay Hain,
Ujar Gaay Hain,

Udasiyon Ka Sabab Jo Likhna,

To Ye Bhi Likhna,

Laraztey Honton Pe Larkharati DUA K Suraj,

Pighal Gaay Hain,
 

Taman Sapney He Jal Gaay Hain

Advertisements

Yeh jo raig e dasht e firaq hai,Yeh rukay agarYeh rukay agar tou nishan milay,ye nishan milay

K jo faaslon ki saleeb hai

Ye gari huwee hai kahan kahan

Mere aasman se kidher gaee tere iltafat ki kehkashan

Mere bekhabar, Mere baynishan

Ye rukay agar tou pata chala

Mai tha kis nagar, Tu raha kahan!

Keh zaman o makan ki wusetian

Tujhay daikhnay ko taras gaeen

Wo mere naseeb ki barishain

Kisi aur chatt per baras gaeen!

Mere char-soo hai wo gubhar e jaan,Wo fishar e jaan

Keh khabar nahee mere hath ko mere hath ki

Mere khawb say tere baam tak

Teri rahguzer ka tou zikar kia

Nahee zoofishan tera naam tak!

Hain dhuan dhuan mere isthakhwa

Mere aansuon mein bujhay huwe mere istakhwan

Mere naqsha gar, mera naqsha jaan

Isi raig e dasht e firaq mein rahay muntazir.tere muntazir

Mere khawb jin k fishar mein

Rahi mere haal say bekhabar

Teri rahguzar

Teri rahguzar k jo naqsh hai mere hath per

Magar is bala ki hai teergi

Keh kahbar nahee mere hath ko mere hath ki

Wo chasm e shoubda saaz thi wo uthay agar

Mere istakhwan mein ho roshni

Isi aik lamha e deed mein teri rahguzer

Meri teera jaan mein chamak uthay

Mere khawb say tere baam tak

Sabhi manzaron mein damak uthay

Isi aik pal mein ho jaawidan

Meri arzoo k hai be-karan

Meri zindagi k hai mukhtsir

Ye jo raig e dasht e firaq , ye rukay agar.. 

meray humsafar, tujhay kia khabar

yeh jo waqat hay kese dohp chahaoo’n kay khail sa

isay dekhtay, isay jehltay

mere aankh gard say aat gaye

meray khwab rait may koh gayay

meray hath barf say ho gayay

meray bay-khabar, teray naam per

woh jo phool kihltay thay honto’n per

woh jo deep jaltay thay baam per

woh nahi rahay ……

woh nahi rahay kay jo aik rabt tha darmia’n

woh bikhar gaya ……

woh hawa chali ……

kay jo barg thay sar-e-shaakh-jaa’n, woh gira diyay

woh jo harf darj thay rait per, woh uraa diyay

woh jo rasto’n ka yaqeen thay

woh jo manzilo’n kay ameen thay

woh nishaan-e-paa bhi mita diyay

meray humsafar, hay wohe safar

magar aik mor kay farq say

teray hath say meray hath tak

woh jo hath bahr ka tha fasla

kaye moosamo’n may badal gaya

isay naptay, isay kaat-tay

mera sara waqat nikal gaya

tu meray safar ka shareek hay

may teray safar ka shareek hoon

per jo darmia’n say nikal gaya

usee faslay kay shumaar mayn

use bay-yaqee’n say gubaar mayn

use rah-guzar kay hasaar mayn

tera rasta koi aur hay ……

meray rasta koi aur hay …….

Quaid-e-azam aao zara tum,

Dekho apna pakistan,

Jiski bunyado’n ki khatir,

Lakho ne di apni jaan,

Jiski khatir khet jalay,

Khalian jalay, ghar baar jalay,

Maon k seene chaak huay,

Jab karial bete khaak huay,

Kalion ka saara roop mita,

Phoolon ka sanghasan dol gaya,

Parwaaz parinday bhool gaey,

Ehsaas k jharnay sookh gaey,

Darya ki rawani ruk si gai,

Yoon khoon ki holi kheli gai,

Dushwaar bohot thi raah-e-talab,

Har gaam magar hum saath rahay,

Hum ban k tumhaari shan rahay,

Hatho pe liay quraan rahay,

Jo tumne kaha wo humne kaha,

Le k rahenge pakistan,

Ban k rahega pakistan,

Humne jisko khoon dia tha,

Us dharti k hain haal buray,

Makr o riakaari k jaal bichay hain,

Nafrat ki woh aag lagi hai,

Basti saari narg bani hai,

Chehrey sab gehnaey huay hain,

Pekar sab kajlaey huay hain,

Jitney bhi thay deep bujhay hain,

Raah dikhanay walay taray,

Ek ek kar k toot rahay hain,

Ghar k ghar weeran huay hain,

Lashon k ambaar lagay hain,

Chor luteray qaatil saray,

Sheher k chowkidaar huay hain,

Hirs o hawis k matwalay bhi,

Dharti k haqdaar huay hain,

Koi nahi ye dekhne wala,

Koi nahi ye poochne wala,

Kin hathon mai soonp gaey

Tum jaan se pyara pakistan,

Quaid e azam aao zara tum,

Dekho apna pakistan,

Ye dharti thi insaano ki,

Ye dharti thi armaano ki,

Ye dharti thi kuch khwabo ki,

Is dharti k maidaano mai,

Is dharti ki har waadi mai,

Khushion k rang bikhartay thay,

Ehsaas ki kalian khilti theen,

Har saal hi saawan aata tha,

Gatay thay panchi geet yahan,

Hoti theen baharain mast yahan,

Akaash ki is oonchai se,

Ye dharti galay mil jaati thi,

Har dil ki kali khil jaati thi,

Lekin ek din wo aya,

Sooraj ne moo dhaanp lia,

Phir din ki qismat soo si gai,

Raton ki halawat kho si gai,

Chehre pe naqabain dalay huay,

Kuch log idhar bhi aa niklay,

Phir aag lagatay waadi ko,

Insaan ko jalatay rahon main,

Har ghar mai har ek basti main,

Woh bhook banay aflaas banay,

Woh shola banay wo aag banay,

Insaan thay magar shaitaan banay,

Ye dharti hai majbooron ki,

Ye dharti hai mohtaajon ki,

Aur mehr-be-lab insaano ki,

Ye log abhi tak zinda hain,

Ye zinda kia bas murda hain,

Inhain raahzano ne loota hai,

Inhain qazzaqon ne maara hai,

Aalam ki kaali ratain hain,

Aur ashkon ki barsaatain hain,

In mehlon mai aiwano mai,

Shaffaf chamakti maizon par,

Ek bazm sajai jaati hai,

Ikhlaaq k charchay hotey hain,

Tehzeeb k qissay hotey hain,

In aiwano se door kahin,

Insaan ki azmat bikti hai,

Eemaan ko toola jata hai,

Insaaf ko becha jaata hai,

Sad paarah dil k qashon par,

Insaan ki barhana lashon par,

Yahan bhookay gidh mandlaatay hain,

Is dozakh mai sab jalta hai,

Kia zulm hai inko yaad nahi,

Ajdaad ne jo qurbaani di,

Maon ki kaisey kook jali,

Kyu behnain jaan par khail gayen,

Tareekh key eik eik safhay par,

Wo khoon se likhi tehreerain,

Sab bhool gaey hain ye nadaan,

Quaid e azam aao zara tum,

Dekho apna pakistan

chalo ik baar phir se ajnabii ban jaayeiN ham donoN!

na main tum se koi umeed rakhoon dil-nawazi ki
na tum meri taraf dekho ghalat-andaaz nazron sey
na meray dil kii dharkan larkharaye meri baaton mein
na zaahir ho tumhari kash-ma-kash ka raaz nazron se

tumhein bhi koi uljhan rokti hai pesh-qadmi se
mujhe bhi log kahte hain key yeh jalvey paraaye hain
mere hamrah bhii rusvaiyan hain meray maazi ki
tumhare saath bhi guzri hui raaton key saaye hain

taaruf rog ho jaaye to usko bhoolna behtar
taalluq bojh ban jaye to usko torna acha
voh afsana jisey anjam tak lana na ho mumkin
usey ik khoobsurat mor dey kar chorna acha

chalo ik baar phir se ajnabi ban jaayein hum dono

haath uthe hain magar lab pe duaa koi nahin
kii ibaadat bhii vo jis kii jazaa koi nahin

ye bhi waqt ana tha ab to gosh har aavaaz hai
aur mere barbaad dil mein sadaa koi nahin

aa ke ab tasliim kar lein tu nahin to main sahii
kaun maanegaa ke ham mein bewafaa koi nahin

vaqt ne vo Khaak uddai hai ke dil ke dasht se
qafaley guzare hain phir bhi naqsh-e-paa koi nahin

Khud ko yun mahsoor kar baithaa hoon apni zaat mein
manzilen chaaron taraf hai raastaa koi nahin

kaise raaston se chale aur kis jagah pohanchey ‘Faraz’
yaa hajoom-e-dostaan tha saath yaa koi nahin

kabhi kabhi meray dil mein khiyal ataa hay

keh zindagi teri zulfon ki narm chaaon mein
guzarnay paati to shaadaab ho bhi sakti thi
yeh teeragi jo meri zeest ka muqaddar hai
teri nazar ki shuaon mein kho bhi sakti the

ajab na tha keh main begaana-e-alam ho kar
tieri jamaal ki raanaaiyon mein kho rahta
tera gudaaz badan teri neembaaz aankhein
inhe haseen fasaanon mein mehav ho rahta

pukaarti mujhe jab talkhiyan zamaney ki
tieray labon se halaavat ke ghoont pee letaa
hayaat cheekhti phirti barhana sar or main
ghaneri zulfon ke saaye mein chup ke jee letaa

magar ye ho na sakaa aur ab ye aalam hai
key tu nahin tera Gham , teri justajoo bhi nahi
guzar rahi hai kuch is tarah zindagi jaisey
isey kisi ke saharay ki aarzoo bhi nahin

zamaaney bhar ke dukhoon ko lagaa chukaa hoon galey
guzar raha houn kuch anjaani rah-guzaaron sey
muheeb saaye meri simt barhtey aate hain
hayaat-o-maut ke purhaul kharzaaron sey

na koi jaadaa, na manzil, na roshni ka suraagh
bhatak rahi hai Khalaaon mein zindagii meri
inhi khilaaon mein rah jaaoungaa kabhi kho kar
main janta houn meri hum nafas magar yunhi

kabhi kabhi mere dil meiN Khayaal aataa hai

aj tere liye ek mazhar-e-ulfat hi sahi
tujhko is vaadi-e-rangeen se aqeedat hi sahi

meri mehboob kahin aur mila kar mujhse

bazm-e-shahi me gareebon ka guzar, kya maani?
sabt jis raah pe ho satavat-e-shaahi ke nishan
us pe ulfat bhari rooho ka safar kya maani?

meri mehboob pas-e-parda-e-tash heer-e-wafa
toone satavat ke nishano ko to dekha hota
murda shahon ke maqabir se behalne waali
apne taarek makanon ko to dekha hota

anginat logon ne duniya me mohabbat ki hai
kaun kehta hai ke sadiq na the jazbe unke
lekin unke liye tash heer ka samaan nahin
kyonki woh log bhi apni hi tarah muflis the

yeh imarat-o-maqabir, yeh faseele, yeh hisar
mutal-kul-hukm shehenshahon ki azmat ke sutoon
daaman-e-dehar pe us rang ki gulkari hai
jisme shaamil hai tere aur mere ajdad ka khoon

meri mehboob! unhe bhi to mohabbat hogi
jinki sannai ne baqshi hai isse shakl-e-jameel
unke pyarron ke maqabir rahe be-naam-o-namood
aaj tak un pe jalai na kisi ne kindeel

yeh chamanzaar, yeh jamna ka kinara, yeh mahal
yeh munakkash dar-o-deewar, yeh mehraab, yeh taaq
ek shehenshah ne daulat ka sahara lekar
hum gareebon ke mohabbat ka udaya hai mazak

meri mehboob kahin aur mila kar mujh se

hazaaron khuwahishain eisee ke har khuwahish pe dam nikle
bohot nikle mere armaan lekin phir bhee kam nikle

nikalna khuld se aadam ka sunte aye hain lekin
bohot be_aabru hokar tere kooche se ham nikle

mohabbat mein naheen hai farq jeene aur marne kaa
usee ko dekh kar jeete hain jis kaafir pe dam nikle

Khuda ke waastey parda na kaabey se uthaa zaalim
kaheen eisa na ho yahan bhee wohe kafir sanam nikle

kahaan maikhaney ka darwaza ‘Ghalib’ aur kahan waaiz
par itana jaante hain kal wo jchahta tha ke hum nikle

mairee itni see khawish hay k

main ik asman hota

aur tu mairee zameen hoti

main jhuk kay tairay saray gam

apnay kandhon pay dho laita

tairee taklifain aur khatain

khud mainsmao laita

mairay badlon say barshain

cham cham barsateen tu tughay sayraab ker daiteen

mairay soraj ki kirnain tugh per perti tu

baree anmol ho jateen

hawa say mil ker nae ik shakl main dhalteen

ghazal kay bol ho jateen

main tugh say rothta tu tareek ho jata

magar phir bhi maira chanda tairay hee sath hota

shamelessly copied from http://aashely.wordpress.com/