You are currently browsing the monthly archive for September 2006.

Mujhay bas itna kehna hai
Kabhi main yaad aaoon to
Kabhi tanhai ki raatain
Tumhain ziada sataein to
Kabhi titli na bolay to
Aur jugnoo lout jaye to
Kabhi jab dil bhi bhar jaye
Koi jab sunn na paye to
Agar sab dost sathi bhi
Jo tum se rooth jaaein to
Kabhi jab khud se lar lar kar
Thakan se choor ho jao
Kabhi chahtay huay bhi khud akelay
Ro na paao to
Apni aankhon ko band karna
Mujhay aawaz de dena
Aur phir meray tasawwur se
Jo chaho batain keh dena
Meray kaandhay pe sir rakh kar
Tum jitna chaho ro lena
Phir khud main jab loat jao to
Us he duniya chalay jana
Magar bas itna kehna hai
Ke jab bhi dukh ya khushiyon main
Hamain dil se pukaro gay
Hamain tum saath pao gay………

Advertisements

Tumhe jab kabhi milain fursatain…
Meray dil sey yeh bojh utar do,
Mein bohat dinon sey udas hoon..
Mujhay koi shaam udhar do!

Kisi or ko meray haal sey
Koi gharz hay na koi wasta
Mai bikhar gaya hoon samait lo,
Mai bigar gaya hoon sanwar do.

Meri wehshaton ko
berha diya hay judayon key azab ney..
Meray dil pey hath rakho zara
Meri dharkanon ko karar do

Mujhey koi shaam udhar do!
Meray dil sey yeh bojh utar do.

Mehak uthi hay aye- charah-gar
Meray dard ki tujhey kia kahbar.

Tu meray safar ka sharek hay?
Nahin humsafar
Meray charah-gar, meray charah-gar

Teray hath sey meray hath tak…
Who jo hath bhar ka tha fasla,
Kai mosmon mein badal gaya
Usey naptay, usey kattay,
Mera sara waqt nikal gaya!

Nahin jis pey koi nishan-e-pa
Meray samnya hay who rah guzar
Meray charah-gar..
Meray dard ki tujhey kia khabar!

Yeh jo rag-e-dasht-e-firaq hay
Meray raston mein bichi hui,
Kisi mor per rukay kahin,
Yeh jo rat hay meray char so
Magar is ki koi sehar nahin.

Na hi chaon hay, na samar koi!
Main ney chan dekha shajar shajar,
Mereay charah-gar
Meray dard ki tujhey kia khabar!

Phir har woh guzra lamha yad karein…
rahein gay dost humesha yeh ahad karein
chalo dil dukhanay ki baat karein!

Wo khilkhilati hansi, woh bheer mein chootay haath
woh ankhon key totay khwab
har lamha jo dey na sakhay sath
or un sathiyon ki yad!

totay kanch ki kerchiyan…
(han shyad woh bhi kabhi rishtay hon gay)
guzray waqt ki har ik bat…

rastay paon mein chubha woh kanta..
dhoop mein paidal woh walk,
or bheegti barsat ki woh eik rat!

yahan tu har bat per dil dukh jata hay
hum kis kis baat ki yaad karein?
chalo dil dukhanay ki baat karein…

(In the memory of all those beautiful moments spend with the best friends in my life Sadaf, Shabib, Shewar, Maria, Javeria and those who cannot be named)
Written by :Unaiza Nasim

“Sagar her roz Sahil ka rukh yun he nahin kiya karta,
Darakht ke neeche baith her roz koi akela yun he nahin roya karta,

Koi to her roz kehta hai kuch to usse jaker tanhai mein,
Nahin to Khuda her roz mere saath jaam yun he nahin piya karta”