You are currently browsing the monthly archive for October 2007.

aaye haath uthaaye hum bhii
hum jinhe rasm-e-dua yaad nahin
hum jinhe soz-e-mohabbat ke siwaa
koii but, koii Khudaa yaad nahin

ay arz guzare ki nigaar-e-hastii
zahar-e-imaroz mein shiiriinii-e-fardaa bhar de
wo jinhen tabe giraan baarii-e-ayyaam nahin
unkii palakon pe shab-o-roz ko halkaa kar de

jinakii aankhon ko ruKh-e-subh kaa yaara bhi nahin
unki raaton mein koi shamaa munawar kar de
jinkay qadamon ko kisi rah kaa sahaaraa bhi nahin
unki nazron pe koii raah ujaagar kar de

jin kaa din pairavii-e-kazbo-riyaa hai unko
himmat-e-kufr mile, jurat-e-tahaqiiq mile
jin key sar muntazir-e-taigh-e-jafaa hain un ko
dast-e-qatil ko jhatak dene kii taufiiq mile

ishq kaa sarr-e-nihaan jaan-tapaan hai jis se
aaj iqaraar karein aur tapish mit jaaye
harf-e-haq dil mein Khataktaa hai jo kantey kii tarah
aaj izhaar karein or Khalish mit jaaye
……..

(faiz Ahmed Faiz)

Advertisements

Mere zameen per jo chandni hai wo sub tere hai
Meray falak per jo dilkashi hai wo sub tere hai

Jo titliyon key paron pey likhy hai, khat meray hain
Yeh jugnoon mein jo roshni hai hai wo sub tere hai

Jo shab pay chai khamoshiyan hain wo sub meri hain
Seher mein jitni bhi naghmagi hai wo sub tere hai

Jo teray manzar mein aur manzar hain sub mery hain
Jo mery seeny mein shaire hai wo sub tere hai

Jo teri muthi mein khushboen hain wo sub mery hain
Jo mere ankhon mein roshni hai wo sub tere

go sab ko baahum saaGar-o-baadaa to nahi thaa
ye shahar udaas itanaa ziyaadaa to nahi thaa

vaaiz se rah-o-rasm rahii rind se sohabat
farq in me koi itanaa ziyada to nahin thaa

thak kar yun he pal bhar ke liye aankh lagii thii
so kar hii na uthein ye iraadaa to nahi tha

Galiyon mein kaisa shor tha ?
kiyon bheer si maqtal mein thi?
Kiya wasf is shair mein tha?
kiya baat is pagal mein thi??
Tarsi hui khalqat ki ankon mein kin kin sahilon key khwab thay
Par kashti umar-e-rawan halat ki daldal mein thi
Khalqat ney awazay kasay, tanay diye, fatway jaray
Who sakht jan hansta raha, go khudkashi pal pal mein thi
Apni kasheed-e-jan sey peeta raha jeeta raha
Nasha kahan saghar mein tha masti kahan botal mein thi