You are currently browsing the monthly archive for January 2008.

Dharti se aasman ko jo,——— naap raha hey
Ho kar khara zameen pe khud, kanp raha hey

Aghoosh main lipta hey naye, saal ka manzar
Hoonton pe tabasum hey jigar, kanp raha hey

Han waqt-e-sehar khaab yeh, dekha main ney
Ik zinda basher apna kafan ,—–naap raha hey

Her aankh zamaney ki nazar, — ho gayee logo
Palkoon ka shamiyana kisey,- dhanp raha hey

Khanjar bakaf hey mera,—– masiha maery andar
Kiyon zakham zakham jism mera, kanp raha hey

Umeed ki kirney kaheen,– maadoom hoeen hain
Sooraj bhi kaheen paar-e-ufaq, — hanp raha hey

Ley tu chala hoon “BURQ” tujhey, janib-e-maghrib
Saaya merey wajood ko kiyoon,—- dhanp raha hey

This is one of the new years that has made me think so much about what my dear land lost …. I wish and I pray frm the depths of my heart for peace to prevail on this land of ours. Long Live Pakistan….Amen.

Guzarta hua saal jaisey bhi guzraa
Magar saal kay aakhri din nihaayat kathhin hain
Suno…!!!
Naye saal ki muskuraati hui subha
Yeh bujhhta hua dil dharakta to hai
Muskuraata nahi
December mujhey raas aata nahi..!!

The incidents after the death of BB and this city ….

Ab Ke Sal Kuch Aisa Kerna…

Apney Pichley Barah Mah Ke
Dukh Sukh Ka Andaza Kerna
Guzri Yadien Taza Kerna
Sadah Sa Ik Kaghz Le Ker
Bhuley Basrey Pel Likh Laina
Apney Sarey Kal Likh Laina
Phir Us Beetey Ik Ik Pel Ka
Apney Guzrey Ik Ik Kal Ka
Ik Ik More Ka Ahatah Kerna
Sarey Dost Ikathey Kerna
Sari Subhey Khazir Rakhna
Sari Shamey Pass Bulana
Or Ailawa In Ke Dekhoo
Sarey Mosam Deehan Mai Rakhna
Ik Ik Yad Guman Mai Rakhna
Phir Muhtat Qayass Lagana
Ger To Khushiya Bher Jati Hai
To Phir Tum Ko Meri Taraf Se
” Aney Wala Sal Mubarak ”

Aor

Ager Ghum Bher Jay To
Mat Bekar Takaluf Kerna
Dekhoo Phir Tum Aisa Kerna
Meri Khushiya Tum Le Laina
Mujh Ko Apney Ghum De Dena

Ab Ke Sal Kuch Aisa Kerna!!!!

New year, 2008

sab log liye sang-e-malaamat nikal aaye
kis shahar mein ham ahal-e-muhabbat nikal aaye

ab dil kii tamana hai to ai kaash yahii ho
aansoo kii jaga aankh se hasarat nikal aaye

har ghar kaa diyaa gul na karo tum ke naajaane
kis baam se Khurashiid-e-qayaamat nikal aaye

jo dar_paa-e-pindaar hain un qatl gahoon se
jaan dey key bhii samajho ke salaamat nikal aaye

ai ham nafason kuchh to kaho ahad-e-sitam kii
ik harf se mumkin hai hikaayat nikal aaye

yaaro mujhe masaloob karo tum ke mere baad
shaayad ke tumhara qad-o-qaamat nikal aaye