You are currently browsing the monthly archive for November 2006.

yeh totti hui sansain, yeh harf harf khiyal
Main sochta hoon kay is baar kis key naam keroon?

tarashtay hain sabhi gham apnay apnay sukhan,
kisay sakoot pa karoon kis sey kalam karoon??

Hazar shakal ubhertee hain teri yad key saath
kisay muta-e-safar, kis ko husn-e-sham keroon?

baghawatoon pey utar ayen khuwahishain meri
kisay rihayee doon kisay aseer-e-daam keroon?

Tujhey tu khair sanwarnay ko ainayhain bohat
magar mein pani ghazal kis traah tamam keroon???

Advertisements

Sardi ki thitarti shamon mein
Barkha mein barasti sochon ki
Garmi mein chamkti ankhon ki
Surkhi mein bharaktay honton ki
Umron mein bhatkti yadon ki…..
“Kuch batein likh nahin paya!”

Mein khuwab ban ker usey neend mein dikhai doon
Who mera qurb jo chahay tu mein judai doon
Kuch is tarah mujhey chahay key har ghari
is ko mein dharkanon ki tarha qalb mein sunai doon
Kitab khol key bethay tu mera chehra ho
Mein warq warq mein usey dikhai doon
Tarap tarap key mujhey mangta rahey leikin
Siwaye apnay mein sari usey khudai doon

Yes, you succeeded in all of it.

Tazad-e-Jazbaat mein yeh nazuk maqam aya tu kiya kero gay???
Mein ro raha hoon tum hans rahey ho, mein muskaraya tu kiya kero gay???
Mujhey tu is darja waqt-e-rukhsat sakon ki talqeen ker rah ho
magar kuch apany liye bhi socha? mein yad aaya tu kiya kero gay???
kuch apnay dil pey bhi zakhm khao meray laho ki bahar kab tak?
mujhey sahara bananay walo, mein larkharaya tu kia kero gay???
tumharay jalwon ki roshni mein nazar ki heraniyan musalam
magar kisi ney nazar key badlay dil azmaya tu kia kero gay??
abhi tu tanqeed ho rahi hay meray mazaq-e-junon pey
leikin tumhrai zulfon ki barhami ka sawal aya tu kia kero gay??
abhi tu daman chura rahey ho, bigar key qabil sey ja rahey ho
magar kabhi dil ki dharkanon mein shareek paya tu kiya kero gay?

December 98′ writtn by Sadaf in my diary.yes Sadaf, You are there in our heart beats but we cannot do anything. Me and I’m sure Atif too love you a lot.

Zindagi key melay mein
Khuwahishon key relay mein
Tum sey kia kaheibn janan
is qadar mein jahmeelay mein??

Waqt ki rawani hay
Bakht ki girani hay
Sakht bey zameeni hay
Zakht lamakani hay

Hijr key samndar mein
Takht or takhtay ki eik hi kahani hay

Tumko jo sunani hay
Bat go zara si hay
Bat Umar bhar ki hay
(umar bhar ki batain kab do ghari mein hoti hain???)

Dard key samndar mein
Un-ginat jazeray hain
Beyshumar moti hain…

Ankh key dareechay mein
jo tum ney sajaya tha
Baat us diya ki hay
Bat us gillay ki hay

Jo lahoo ki khalwat mein chor ban ker ata hay
Lafz ki faseelon per toot jata hay

Zindagi sey lambi hay
Baat ratjagay ki hay
Rastay mein kesay ho
Baat rat jagay ki hay

Takhliya ki batonmein guftugoo izafi hay
Pyar kernay walon ko ik nigah kafi hay
Ho sakay tu sun jao eik din akeelay mein
Tum sey kia kahein janan is qadar jhameelay mein!

Din raat key anay janay mein
dunya key ajaib khanay mein

kabhi sheeshay dhundlay hotay hain,
kabhi manzar saaf nahin hotay…
kabhi suraj baat nahin kerta,
kabhi taray ankh badaltay hain…
kabhi manzil peechay rehti hay,
kabhi rastay agay chltay hain!!!

Kabhi asain tor nahin charhti,
kabhi khadshay pooray hotay hain.
Kabhi ankhain deikh nahin saktein
Kabhi khwab adhoray hotay hain.

yeh sab shai tu hay leikin
is ashoob key manzar namay mein
din rat key anay janay mein
dunya key ajaib khanay mein

Kabhi saya karti ankhon key
payman tu dikhai detay hain
hathon sey agarchay door sahi

Manzil sey koson door sahi
per door sahi, ranjoor sahi,
zakhmon sey musaffir choor sahi
per kis sey kahein, “ay-jan-e-wafa”
“kuch ghao tu aisay hotay hain
jinhain zakhmi aap hi dhotay hain
bin roye huay anso ki tarah
sapnay mein chupa ker rakhtay hain
or sari umar nahin rotay

Neendain bhi muhaya hoti hay
sapnay bhi door nahin hotay
kiyon phir jagtay rehtay hain??
kiyon sari raat nahin sotay???

Ab kis sey kahein a jan-e-wafa, a ahl-e-wafa
kis aag mein jatay rehtay hain,
kiyon bujh key rakh nahin hotay.
imkan tu dikhai detay hain

One of my most favorite ones. In the name of late “Sadaf Parveen” my beloved friend and my poetry partner. Wish I could bring you back.Wish I could tell you how much you are missed

Udasiyon ka sabab jo likhna
tu yeh bhi likhna…

key chand taray, shahab
ankhain badal gaye hain.
wo zinda lamhay jo teri rahon mein,
teray anay key muntazir thay;
wo thak key sayon mein dhal gaye hain.

wo teri yadein, khyal teray, ranj teray, malal teray
wo teri ankhain, sawal teray
woh tum sey meray tamam rishtay bichar gaye hain.

udasiyon ka sabab jo likhna
tu yeh bhi likhna…
larztay honton pey larkrhati dua key suraj
pighal gaye hain…
tamam sapnay hi jal gaye hain!