You are currently browsing the monthly archive for October 2006.

Halakat khaiz hay ulfat meri
Meri har sans khooni hay,
isi liye tu yeh mehfil-e-dil kabron ki si sooni hay!

Mein usey zehrilli khushboon key har deta hoon
mein jis sey mohabbat kerta hon usey mar deta hoon!
(Monir Niazi)

Is bars ki ibtida bhi mein ney tumhi sye ki hay….
Tumharay naam ki hatheli per dua key haroof ,
Kuch youn likhay hain_
Key….
Teri umar ki deviyon ko tund hawa ki nazar na lagay,
Teri ankhon mein qos-e-qazah ho,
Jugnoo hon or taray hon.

Teray safar ki kahaniyon mein,
Chaoon key zikar saray hon.
Dhoop ki hidatein na hon,
Piyas ki shidatein na hon.

Sakoon key tamam darya teray raston sey ho ker guzrain
Tabhi barishon key rang
Tujhey chahaton ki naveed sonp dein.
Or kabhi jab tu bey-mehr saaton ki tarah,
Bichar jaye bikhar jaye..
Tu tab
Zindagi tujhey –milaya karey sameta karey.

(Happy birthday to you)

ay door nagar key banjaray…ger chor key aisay jana tha
kiyon chah ki rah dikhani thi? kiyon pyar ka hath batana tha

hay dunya key hangamon mein rangini bhi ranai bhi
har cheez yahan per pyari hay mehroomi bhi ruswai bhi

sab log yahan per qismat key beytor thaparay sehtay hain
per jeetay hain or jeenya ki ik aas sey chimtay rehtay hain

Or tu tu ik khilari tha. Kion khel hi sey moon mor liya
Kion jan ki bazi har gaya? kion umar ka rishta tor liya?

Go janay key mushtaq yahan hum jesay lakh bicharay hoon
woh log hi rukhsat hotay hain jo sab ko pyaray hon !

Is jag ki raat andheri mein, ik tara tha woh doob gaya …
or waday sath nibhanay key sab bhool bhula ker khoob gaya

Aa mehfil chup chup bethi hay, mehfil ka dil shaad kerain
woh log key teray aashiq hay kay roz sey tujhey yad karein

Woh thor thikanay dhond chukkay, woh manzil manzil choo aye
Ab aas lagaye bethay hain kab dastak ho kab tu aye!

woh ik pagal si larki thi
khuaab they usskey barey barey
din bhar woh sapnay bunti thi
rung o khushboo sey bharey huey
umeed ka dia jala ker woh
aanch per uss ki jalti thi
uss ki shamma key dhalney per
shaam uss ki bhi dhalti thi

woh ik masoom si larki thi
barishoon mein nahati thi
per badaloon key garajney per
thori woh dar si jati thi
woh ik nadaan si larki thi
khuahishoon sey ghabrati thi
sachai ka daman tham key woh
jhoot uss key nibhati thi

ab sochoon to yaad buhat ati hai
iss soch mein shaam dhal jati hai hai
kioon usko na jan saka koi
kioon usko kisi ney na dekha

un hathoon ki bayrang mehndi mein
kitnay they wadey basay huey
un hontoon ki uss khamosh larzish mein
kitnay they raz chuipay huay
un ankhoon key behtay kajal mein
kitnay sapnay they samey huey

woh ik pagal si larki thi………