You are currently browsing the monthly archive for January 2007.

Galiyon mein kaisa shor tha ?
kiyon bheer si maqtal mein thi?
Kiya wasf is shair mein tha?
kiya baat is pagal mein thi??
Tarsi hui khalqat ki ankon mein kin kin sahilon key khwab thay
Par kashti umar-e-rawan halat ki daldal mein thi
Khalqat ney awazay kasay, tanay diye, fatway jaray
Who sakht jan hansta raha, go khudkashi pal pal mein thi
Apni kasheed-e-jan sey peeta raha jeeta raha
Nasha kahan saghar mein tha masti kahan botal mein thi

Advertisements

Ain mumkin hay key khoi hui manzil mil jaye
Or kamzor safinon ko bhi sahil mil jaye
Shayad is saal hi kuch chain naseeb ho dilon ko
Shayad is saal tumhain zeest ka hasil mil jaye
Subha key bholay huay sham ko shayad ghar aa jayen
Apnay gham khanon mein chup chap hi khushyan dar ayen
Shayd is sala jo socha tha who poora ho jaye
Shayad is saal tumhari bhi muradein bar ayen
Shayad is saal shaksta hon masaib ki silain
Shayad is sal hi sehraon mein kuch phool khilain
Rah-e-hasti key dorahay per achanak ik din
Shayd is saal hi bichray huay aa milain
Dil mein hum sab key mohabat ho kadorat na rahey
Or insane ko insane sey nafrat na ho
Shayad is saal koi aisi hawa chal jaye
Ranj o alam alam o afat ki kasrat na rahey
Us ki rehmat ka jo adna sa ishara ho jaye
Tu isi saal umat-e-muhamadya eik ho jaye
Aaj key jis waqt key tewar hain badlay hua
Isi saal mumkin hay yeh waqt humara ho jaye