You are currently browsing the monthly archive for August 2007.

farz kero hum taray hotay
eik dojay ko door door sey deikh deikh ker jaltay bujhtay
or phir eik din
shakh-e-falak sey girtay or tareek khilaoon mein kho jatay

darya key do dharay hotay
apni apni moj mein behtay
or samandar takis andhi wehshi or mon-zor masafat key
jadoomein, tanha rehtay

farz kero hum bhoor samay key panchi hotay
urtay urtay ik doojay ko chootay or phir
khulay gagan ki gehri or beysarfa ankhon mein kho jatay
abr-e-bahar key jhonkay hotay
mosam key eik bey naqsha sey khwab mein miltay
miltay or juda ho jatay
khushk zameenon key hathon pey sabz lakeerain kunda kertay
or undekhya sapnay botay
apnay apnay anso ro ker
chein ki neend sotay

farz kero hum jo kuch ab hain woh na hotay?

Advertisements

wo jo teray hathoon mein tha khalona sa eik shaks
eik roz gir key toot gaya rakh rakhao mein