duhar ko duhar ka fasana bana rakha tha_
ashna hain teray qadmon sey woh rahein jin per
us ki madhosh jawani ney inayat ki hay
karwan guzray nahin jin sey usi ranai key
jis ki in ankhon ney beysood ibadat ki hay
tujh sey kheli hain woh mehboob hawaein jin mein
us key malboos ki afsurda mehak baki hay
tujh pey bhi barsa usi bam sey mahtab ka noor
jis mein beeti hui raton ki kasak baki hay
tu ney deikhi hay woh peshani, woh rukhsar, woh hont
zindagi jin key tasawar mein lutta di hum ney
tujh pey uthi hain woh khoi hui sahir ankhein
tujh ko maloom hay kiyon zindagi ganwa di hum ney???
3 comments
Comments feed for this article
March 4, 2007 at 6:03 pm
Aks..
Aa kay wabasta hain us husn ki yadain tujh say
Jis nay is dil ko pari-khana bana rakha tha
Jis ki ulfat main bhula rakhi thi dunya hum nay
Dehr ko dehr kaa afsana bana rakha tha
Aashna hain teray qadmon say wo rahain jin par
Us ki madhosh jawani nay inayat ki hai
Karwan guzray hain jin say usi ra’anai kay
Jis ki in aankhon nay bay-sood ibadat ki hai
Tujh say kheli hain wo mehboob hawaain jin main
Us kay malboos ki afsurda mehek baqi hai
Tujh pay barsa hai us baam say mehtaab kaa noor
Jis main beeti hui raton ki kasak baaqi hai
Tu nay dekhi hai wo paishani, wo rukhsaar, wo hont
Zindagi jin kay tassawur main luta di hum nay
Tujh pay uthi hain wo khoi hui saahir aankhain
Tujh ko maloom hai kyon umr ganwa di hum nay
Hum pay mushtarka hain ehsaan ghum-e-ulfat kay
Itnay ehsaan kay ginwaaoon to ginwaa naa sakoon
Hum nay iss ishq main kya khoya hai kya seekha hai
Juz teray aur ko samjhaaoon to samjhaa naa sakoon
(Faiz Ahmed Faiz)
April 26, 2007 at 12:50 pm
asma
Waaah kiya baat hay ….
April 27, 2008 at 8:12 pm
Bader Munir
kya baat hay faiz sahab ki. can you help me find this poem sung by noor jehan