Main yeh kis key naam likhoon Jo alam guzar rahay hain
Meray shehar jal rahay hain, Meray log mar rahay hain

Koi ghuncha ho kay gul ho, Koi shaakh ho shajar ho
Woh hawa-e-gulistan hain kay sabhi bikhar rahay hain

Kabhi rehmatain thein nazil is hi khitta-e-zameen par
Wohi khitta-e-zameen hai kay aazaab uttar rahay hain

Wohi taroun ke jhurmat jo hawa main jhooltay thay
Woh fiza ko tak rahay hain tu aah bhar rahay hain

Koi aur to nahin hai pas-e-khanjar aazmai
Ham hi qatal ho rahay hain Ham hi qatal ker rahay hain

Dont know who the poet is.

ab kis kaa jashn manaate ho us des kaa jo taqseem hua
ab kis ke geet sunaatey ho us tan-man kaa jo do-neem hua

us Khwab ka jo reza reza un aankhon ki taqadeer hua
us naam ka jo tukaday tukday galiyon mein be-tauqeer hua

us parcham kaa jis ki hurmat bazaron mein nelam hui
us mitti ka jis ke hurmat mansoob uduu key naam hui

us jang ko jo tum haar chukey, us rasm ka jo jaari bhe nahin
us zakhm ka jo seenay pey na thaa us jaan kaa jo vaari bhe nahin

us Khoon kaa jo badqismat tha raahon mein bahaayaa, tan mein rahaa
us phool kaa jo beqeemat tha aangan mein khila ya ban mein raha

us mashriq ka jis ko tum ne nezay ki ani marham samjha
us magharib ka jis ko tum ne jitna bhi loota kum samjha

un masoomon ka jin key lahoo sey tum ne farozaan raatein keen
ya un mazlamoon ka jis se khanjar ki zubaan mein baatein keen

us mariyam ka jis ke iffat lutatee hay bharay bazaaron mein
us Eisaa ka jo qaatil hai or shamil hai Ghamkhvaaron mein

in noha-garon ka jin ney hamein khud qatl kiya khud rotey hain
aisi bhi kahin dam-saaz huay, aisey jallaad bhi hotey hain !

un bhookey nangey dhaanchon ka jo raqs sar-e-baazar karein
yaa un zaalim qazzaaqon ka jo bhais badal kar var karein

yaa un jhootay iqraaron ka jo aaj talak wafa na huey
yaa un bebus laachaaron ka jo aur bhi dukh ka nishana huay

is shahi ka jo dast-ba-dast aai hai tumhaarey hissey mein
kyon nang-e-vatan ki baat karo kya rakhaa hai is qisse mein

aankhon mein chupaaye ashkon ko honton mein wafa key bol liye
is jashn mein bhii shaamil hoon nohon sey bhara kashkol liye

mohabbat k safar mein koi raasta nahin deta,
zameen waqif nahin banti falak saya nahin deta,
udasi jis k dil mein ho us ki neend urti hai ,
kisi ko apni ankhon say koi sapna nahin deta,
uthana khud hi parta hai thaka toota badan apna,
k jab tak saans chalti hai koi kandha nahin deta

Jis din band karli apni aankhein ,

Kai aankhon se us din aansu barsenge,

Jo kehte hai ki bahut tang kartey hain hum unhe,

Wahi humari ek shararat ko tarsenge…. ……..

Pal-Pal tarse jis pal ke liye,

Wo pal bhi ruka kuch pal ke liye,

Socha tha usey zindagi ka ek haseen pal banayenge,

Par wo pal ruka hi kuch pal ke liye…

chalo yeh zuam bhi khatm hua!
Hum bhool chukay jo thay hum ko ab yad hua…
eik din hua tha zindagi mein jab hum ney yeh socha tha
tamam umar tanha larna hay or tamam umar sab sehna hay
kahin rastay mein yeh bhool gaya or zeest asan hui
magar kal- yeh jo raat hui woh sabaq dohra gaye

kabhi hum ko koi na choray ga
kabhi hum bhi kisi key saharay guzarain gay
eik jhakay mein yeh ghuroor bhi khatm hua
werna janay jatay jatay kitnay gham or anay thay!
chalo acha hua yeh zuam bhi toot gaya

mujhe roshni k jaziroon say
is tarha milay ho tum
jaisay tareeq rahon main
koi diya ho madham sa
jis ki roshni main khud ko
dekh to sakta hoon
magar
yeh roshni ka safar
shayad mera humsafar na ho
shayad ki tera milna kabhi bhi
meri zindagi ka muqaddar na ho
to aaj inhi lamhon main
louta dein jitni chahatain hain
mere dil ke nehaan kano mein
jitni unkahi batein hain
phir kal fursat milay na milay
jis tarha saji hai aaj apni yeh mehfil
phir yeh bazm sajay na sajay
kyun ki main janta hoon ye ki……………
merr naatamam kwhahishon mein ab
tumhe bhi shamil hona hai
aaj paya hai tumhe jis tarah muqaddar se
kal isi tarha se khona bhi hai …. !!!

Ab kyun us din ka zikar karo

Jab dil tukre ho jaye ga

Aur saare gham mitt jaayein ge

Jo kuch paaya kho jaaye ga

Jo mill na saka woh paayein ge

Yay din to wohee pehla din hai

Jo pehla din tha chahat ka

Hum jis ki tamanna karte rahe

Aur jis se har dum darte rahe

Yay din to kitni baar aaya

So baar basay aur ujar gayay

So baar luttay aur phir paaya

Ab kyun us din ki fiqar karo

Jab dil tukre ho jaaye ga

Aur saare gham mitt jaayein ge

Tum khauf-o-khatter se dar guzro

Jo hona hai so hona hai

Gar hansna hai to hansna hai

Gar rona hai to rona hai

Tum apni karni kar guzzro

Jo hoga dekha jaaye ga.

Faiz Ahmed Faiz

Ye mashq-e-gham-naveesi mera shoq tu nahin hey
na hi zindagi ka noha mera khaas mashghala hey
par sochta hoon waqt ney mujhey aesa kya dia hey
jisey koi wajah bana kar mein khushi sey jhoom jaaoon
mein aainon ke rukh par muskaan apni deikhoon
ya mosamon ki dhun par koi naghma gun’gunaaoon!
mein wafoor-e-dard-o-ranj sey jo kuch bhi seekh paaya
wo tajurbat bechney ko koi dukaan nahi sajaai
ye haadson ke qissey to bas yunhi likh raha hoon
mein ney kaaghzon ke ooper koi numaaish nahi lagaai!

ab mere paas tum aayee ho to kya aayee ho
maine maana ke tum eik paikar-e-raanaee ho
chaman-e-daher mein rooh-e-chaman arayee ho
tallat-e-meher ho firdaus ki burnai ho
bint-e-mehtaab ho gardoo se utar aayee ho….

mujhse milney mein ab andesha-e-ruswaayee hai
maine khud apney kiye ki ye saza paayee hai
ab mere paas tum aayee ho to kya aayee ho

un dino mujh pe qayamat ka junoon taari thaa
sar pe sarshaari-o-ishrat ka junoon taari thaa
maahpaaron se mohabbat ka junoon taari thaa
shehri yaaron se raqabat ka junoon taari thaa

bistar-e-makhmal-o-sanjaab thee duniya meri
ek rangeen-o-haseeN khwaab thee duniya meri

kya sunogi meri majrooh jawaani ki pukaar
meri fariyaad-e-jigar doz , mera lala-e-zaar
shiddhat-e-karb mein doobi hui meri guftaar
main ke khud apnay mazak-e-tarabgee ka shikaar

wo gudaaz-e-dil-e-marhoom kahan se laaoon
ab mein wo zazba-e-masoom kahan se laaoon

ab mere pass tum aayee ho to kya aayee ho…

One of my most favorite ghazals by Mijaz. Love it in the voice of Jagjit Singh